सुगाजस्तो देखिने भन्दै यी पुरुषले काटे दुइटै कान, नाकलाई ठोँडजस्तै बनाउने तयारी (फोटो फिचरसहित)

केही मानिसको शोख कति भयानक हुन्छ की उनीहरु त्यो शोख पूरा गर्नका लागि आफ्नो ज्यानलाई जस्तोसुकै पीडा दिन तथा कुरुप बनाउन तयार हुन्छन् । आफ्नो घरमा पालेको सुगाप्रति यतिधेरै पागल भएका एक पुरुषले आफुलाई पनि उक्त सुगाजस्तै बनाउनका लागि आफ्ना दुइवटै कान काटेर बुच्चो बनाएका छन् ।

त्यतिमात्र होइन अब उनले आफ्नो नाकको सर्जरी गरेर सुगाको ठोँड जस्तै बनाउने योजना समेत बनाएका छन् । उनले अज्ञात अस्पतालमा ६ घण्टाको अपरेशनमार्फत आफ्ना दुबै काट कटाएका थिए । यसरी कान कटाउने अप्रेशन बेलायतमा अवैध मानिन्छ र सर्जनलाई कारवाही हुने भएकाले उनले सर्जरी गरिएको ठाउँ र डाक्टरको विषय गोप्य राखेका छन् ।

बेलायतको ब्रिस्टोलका बासिन्दा ५६ वर्षीय टेड रिचार्डसनले जिउमा ११० वटा टाटु खोपिसकेका छन् । उनले जिउमा थप ५० वटा प्वाल पारेर सियो रोप्नुका साथै जिब्रो समेत चिरेका छन् । अब उनी यस्तो सर्जनको खोजीमा छन् जसले उनको नाकलाई चराको ठोँड जस्तो बनाइदियोस् ।

जुत्ता कारखानाका अवकाशप्राप्त कर्मचारी रिचार्डसनले आफ्नो घरमा ५ वटा सुगा पालेका छन् । सुगुरका साथै उनको घरमा हरियो छेपारो र कुकुर पनि पालिएको छ । सुगाहरुको नाम इली, टीका, टिम्नेह, जेक र बुबी राखेका छन् ।

सन् १९७६ मा पहिलोपटक जिउमा टाटु खोपाएका उनको जिउमा सद्धे ठाउँ कतै पनि छैन र केही न केही मोडिफिकेसन गरेकै छन् । उनले बायाँ पाखुरामा साढे ७ सय डिग्री सेल्सियस तातो फलामले डामेर टाटु बनाएका छन् भने हातमा दुइवटा चुम्बक प्रत्यारोपण गरेका छन् ।

आफ्नो अनुहारको परिवर्तन अर्थात् सुगास्वरुप आफ्ना दुइ सुगाहरु इली र टीकाप्रति समर्पित गर्ने उनको भनाइ छ । आफु आफ्नो यस्तो स्वरुपप्रति निकै खुसी रहेको उनको दाबी छ । उनले हालै गर्लफ्रेण्ड पनि भेट्टाएका छन् । ३१ वर्षकी प्रेमिका सुजाना पनि लगभग उनकै आनीबानीकी छिन् । उनले पनि जिउमा टाटु तथा सियो खोप्नुका साथै जिब्रो चिरेकी छिन् ।

अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुक र ट्वीटरमार्फत् पनि जोडिन सक्नुहुन्छ ।